Փարիզը չի աջակցում Եվրոպական միությունում ռուսական ակտիվները բռնագրավելու «որևէ առաջարկի» և պնդում է միջազգային իրավունքի խիստ պահպանման վրա, հայտարարել է Մոսկվայում Ֆրանսիայի դեսպան Նիկոլա դը Ռիվիերը «Վեդոմոստի» հրատարակությանը տված հարցազրույցում։
«Այս հարցում նախագահ Էմանուել Մակրոնը շատ հստակ էր. մենք հետևում ենք միջազգային իրավունքին, և այդ միջոցները բռնագրավելու մասին խոսք անգամ չկա», - նշել է դիվանագետը։
Նա պարզաբանել է, որ վերջին տարիներին ձեռնարկված միակ միջոցը սառեցված ներդրումներից ստացված տոկոսների օգտագործումն է եղել Ուկրաինային աջակցելու համար։ Դեսպանի խոսքով՝ Ֆրանսիան հետևողական է մնում իր դիրքորոշման մեջ և կարծում է, որ ակտիվների բռնագրավումն անհնար է։