Երբ գնաճի, տնտեսական ակտիվության մասին ենք խոսում՝ պետք է հասկանանք, թե կյանքի ինչ որակի հաշվին է այն արձանագրվել։ Պարոն Քերոբյանն ասում է՝ մարդիկ իրենց մաշկի վրա զգում են տնտեսական ակտիվությունը։ Հիմա ես հարց եմ տալիս՝ Էկոնոմիկայի նախարարությունում քանի՞ աշխատակցի աշխատավարձ է բարձրացվել, որ մարդիկ տնտեսական ակտիվությունն իրենց մարմնի վրա զգան։
Այս մասին այսօր MediaHub.am-ի հետ զրույցում ասա տնտեսագետ Բաբկեն Պիպոյանը։ Հիշեցնենք, որ երեկ Էկոնոմիկայի նախարար Վահան Քերոբյանը հայտնեց, որ Հայաստանում ունեցած 8.5 տոկոս գնաճը ֆանտաստիկ լավ արդյունք է։ Նա նշոց, որ իհարկե, դա չի նշանակում, որ երջանիկ ենք այդ արդյունքով։
«Բնականաբար, մեր ամբողջ աշխատանքն ուղղված է նրան, որպեսզի այն տնտեսական արդյունքները, որոնք մենք ունենք, իսկ դրանք՝ գիտեք, թե ինչ բարձր են՝ 9.4 % տնտեսական ակտիվության ցուցանիշ ունենք առաջին 4 ամիսների ընթացքում, բաշխվեն հասարակությանը»,- ասել է նա։
Պիպոյանի խոսքով՝ պարզ է, որ Հայաստան այցելած տուրիստները, հիմնականում ռուսները, վճարունակ խավ են, բայց ըստ նրա՝ պետք չէր, որ այդ վճարունակ խավի համար գնաճ լիներ և վնասեր ՀՀ քաղաքացու եկամտին։
«Այդ 100 000 ռուսը, որ եկավ, պահանջարկը փոխվեց և գնաճը չզսպվեց և կանխատեսածից էլ ավելի եղավ։ Կարծում եմ՝ Էկոնոմիկայի նախարարությունը պետք է դադարի «Հույս տալու նախարարություն» լինելուց»։
Խոսելով թոշակների բարձրացման մասին՝ տնտեսագետն ընդգծեց, որ կյանքի որակը բարձացնող տնտեսական ակտիվություն չի լինի, մինչև աշխատավարձերը և թոշակները չբարձրանան։
Լիաննա Թորոսյան