Wildberries-ի ներկայացուցիչները հայտնել են զանգվածային խարդախության դեպքի միջանկյալ արդյունքները, որի արդյունքում 2021 թվականին ընկերությունից գողացվել է 385 միլիոն ռուբլի։ Հայտնել է РБК-ն։
Այս գործով 50 մեղադրյալներ դատապարտվել են, հինգին մեղադրանք է առաջադրվել, երեք կասկածյալ մահացել է, ևս մի քանիսը լքել են Ռուսաստանը։
Հաղորդվում է, որ դատապարտյալները ստացել են տարբեր պատիժներ, այդ թվում՝ մինչև հինգ տարի ազատազրկում։ Բացի այդ, բոլոր դատապարտվածները պետք է հատուցեն վնասները։
Հայտնի է, որ խարդախության կազմակերպիչները նախկինում ունեցել են քրեական անցյալ։ Խաբեբաների որոշ խմբեր բաղկացած էին ամուսիններից և մերձավոր ազգականներից։ Այս պահին գործի քննությունը շարունակվում է, միջոցներ են ձեռնարկվում՝ գումար հափշտակության մնացած մասնակիցներին բերման ենթարկելու ուղղությամբ։ Բոլորի ինքնությունը, ով դեռ պատասխանատվության չի ենթարկվել, արդեն իսկ պարզվել է։
Խարդախները կարողացել են միջոցներ գողանալ՝ օգտվելով շուկայական վճարային համակարգի խոցելիությունից: Նրանք կայքում գրանցվել են որպես վաճառողներ, ցուցադրել գոյություն չունեցող ապրանքներ, իսկ հետո գնորդների անվան տակ կեղծ տվյալներ օգտագործելով՝ փորձել են վճարել դրա դիմաց։
Wildberries-ը միջոցներ է փոխանցել հանցագործներին՝ կարծելով, որ հաջող գործարք է: