Ղազախստանում կործանված ինքնաթիռում եղել է 67 մարդ և անձնակազմի հինգ անդամ։
Ինքնաթիռում, նախնական տվյալներով, ավելի քան 60 ռուս է եղել, գրել է Baza-ն։
Վթարից ողջ է մնացել 6 մարդ, հայտնել է Ղազախստանի Առողջապահության նախարարը։
Գրոզնիում մառախուղի պատճառով Բաքվից ինքնաթիռը վերուղղորդվել է Մախաչկալա, այնուհետև՝ Ակտաու. հայտնել է Չեչնիայի մայրաքաղաքի օդանավակայանի մամուլի ծառայությունը։
Անձնակազմն աղետի ազդանշան է ուղարկել մեկնելուց մոտ մեկ ժամ հետո: Մոտ 15 րոպե անց որոշում է կայացվել թռչել Ակտաուի օդանավակայան։ Ինքնաթիռը կործանվել է Երևանի ժամանակով 10:28-ին։
Բոլոր փրկվածները ծայրահեղ ծանր վիճակում են։
Ղազախստանի Մանգիստաուի մարզի վարչակազմի տվյալներով՝ փրկվածների թվում կա մեկ երեխա։ Նրանք տարբեր աստիճանի վնասվածքներով տեղափոխվել են Ակտաուի մարզային հիվանդանոց։ Հստակեցվում է, որ թե արդյոք օդանավում եղել է 67 մարդ, այդ թվում՝ անձնակազմի անդամները։
Ղազախստանի արտակարգ իրավիճակների նախարարությունը հայտնել է, որ ինքնաթիռի կործանման վայրում բռնկված հրդեհն ամբողջությամբ մարվել է։
