Ադրբեջանի և Թուրքիայի արտաքին գործերի նախարարներ Ջեյհուն Բայրամովն ու Հաքան Ֆիդանն այսօր հեռախոսազրույց են ունեցել։
Հեռախոսազրույցի ընթացքում քննարկվել են ադրբեջանա-թուրքական դաշինքից բխող հարցեր, իրավիճակը տարածաշրջանում հետհակամարտային շրջանում, ներկայիս իրավիճակը Մերձավոր Արևելքում, Սիրիայում, տարածաշրջանային այլ հարցեր։
Զրույցի ընթացքում Ադրբեջանը աջակցություն է հայտնել Սիրիայի տարածքային ամբողջականությանը և ինքնիշխանությանը։ Հույս է հայտնել, որ ստեղծված ճգնաժամային իրավիճակը շուտով լուծում կգտնի՝ ելնելով սիրիացի ժողովրդի շահերից և կամքից։
Հեռախոսազրույցի ընթացքում մտքեր են փոխանակվել նաև երկկողմ և բազմակողմ այլ հարցերի շուրջ։