ԱՄՆ հանրապետական ​​ազգային կոմիտեն դատական ​​հայց է ներկայացրել Google-ի դեմ՝ պնդելով, որ ընկերությունը նոյեմբերի միջանկյալ ընտրություններից առաջ անօրինական կերպով զտել է միլիոնավոր նամակներ Spam թղթապանակներից:

28 էջանոց հայցում ասվում է, որ Հանրապետական ազգային կոմիտեն (RNC) խտրականության է ենթարկվել իր քաղաքական հայացքների համար, եւ Gmail-ի հաշիվներին ուղարկված գրեթե բոլոր հաղորդագրությունները ուղարկվել են Spam թղթապանակ:

Ըստ Associated Press-ի, տեխնոլոգիական հսկան հերքել է, որ ֆիլտրում է էլեկտրոնային նամակները՝ հիմնվելով քաղաքական հայացքների վրա:

«Google-ը միլիոնավոր նամակներ է ուղարկել պոտենցիալ հովանավորների եւ աջակիցների Spam թղթապանակներին՝ ընտրությունների համար դրամահավաքի եւ համայնքի կառուցման համար կարեւոր պահերին», - ասվում է հայցի մեջ:

Google-ն ասել է, որ օգտագործել է AI-ի վրա հիմնված զտիչներ՝ Spam հաղորդագրությունները բացահայտելու համար՝ ուսումնասիրելով այնպիսի գործոններ, ինչպիսիք են «IP հասցեի բնութագրերը, տիրույթները/ենթադոմեյնները, զանգվածային ուղարկողների իսկությունը եւ օգտատերերի մուտքագրումը»:

Հյուսիսային Կարոլինայի պետական ​​համալսարանի 2020 թվականի ուսումնասիրությունը ցույց է տվել, որ ավելի հավանական է ընկերության կողմից պահպանողական խմբերի հաղորդագրությունների արգելափակումը. ձախակողմյան խմբերի նամակների 10%-ը զտվել է որպես Spam, ինչը 2020 թվականի նախագահական ընտրությունների ժամանակ աջակողմյան խմբերի նամակների պարագայում հասնում էր 77%-ի:

Այս ուսումնասիրությունը RNC-ին դդել է՝ Դաշնային ընտրական հանձնաժողովին խնդրել հետաքննել Google-ին՝ քաղաքական կողմնակալության համար: