Սոմալիի մայրաքաղաք Մոգադիշոյի հյուրանոցներից մեկի վրա տեղի ունեցած հարձակման հետեւանքով զոհերի թիվը անցել է 30-ը. վիրավորվել են տասնյակ մարդիկ այն բանից հետո, երբ ուրբաթ օրը «Ալ-Քաիդայի» հետ կապ ունեցող «Ալ-Շաբաաբ»-ի զինյալները գրավել են հյուրանոցը, հայտնում է Somali Guardian-ը:

Մահացածների թվում կան նախկին պաշտոնյաներ, պետական ​​ծառայողներ եւ ազգային առաջնորդներ։ Մոգադիշոյում Սոմալիի հետախուզության եւ անվտանգության գործակալության ղեկավարն ու ոստիկանության բարձրաստիճան պաշտոնյան վիրավորվել են այն բանից հետո, երբ փոխադրամիջոցը բախվել է ականապատ մեքենային:

Զորքերը պայթուցիկ սարքեր են օգտագործել, որոնք ավերել են բարձրակարգ հյուրանոցի բազմաթիվ հատվածներ՝ երբեմնի շքեղ համալիրը վերածելով ապոկալիպտիկ պատերազմի գոտու:

Չհաստատված տեղեկությունների համաձայն՝ անօդաչու թռչող սարքերը ռմբակոծել են հյուրանոցի մի մասը ուրբաթ ուշ երեկոյան՝ օգնելու դադարեցնել պաշարումը, որը վերջին շրջանում ամենաերկարն է Սոմալիի մայրաքաղաքում:

Սոմալիի կառավարության եւ անվտանգության ծառայությունների ներկայացուցիչները դեռեւս չեն մեկնաբանել հարձակումը։ ԱՄՆ-ի կողմից պատրաստված հատուկ ջոկատայինները, որոնք կռվել են հարձակվողների դեմ, դուրս են բերվել համալիրից՝ չկարողանալով վերջ տալ գրոհին։