Երեկ՝ մայիսի 20-ին, ավտովթար է տեղի ունեցել Լոռու մարզում: Ժամը 08:20-ի սահմաններում Վանաձոր քաղաքի Զորավար Անդրանիկի փողոցի 10 հասցեի մոտ բախվել են Տավուշի մարզի բնակիչ 54-ամյա Արթուր Ղալումյանի վարած «Honda Elysion» մակնիշի և Լոռու մարզի բնակիչ 53-ամյա Հարություն Թովմասյանի վարած «Kia Sorento» մակնիշի ավտոմեքենաները:  

Ինչպես հայտնում է ֆոտոլրագրող Գագիկ Շամշյանը, վթարի հետևանքով «Kia»-ի ուղևոր, Լոռու մարզի բնակիչ 17-ամյա Է. Թովմասյանը «Վանաձոր» բժշկական կենտրոնի շտապօգնության ավտոմեքենայով տեղափոխվել է «Վանաձոր» բժշկական կենտրոն:

Վթարի փաստով ՊԾ Լոռու մարզի գումարտակում փաստաթղթեր են ձևակերպվել, որոնք հնարավոր է փոխանցվեն ՀՀ քննչական կոմիտեի Լոռու մարզային քննչական վարչություն։