ԱՄՆ Փենսիլվանիա նահանգում անհայտ անձինք 40 հազար դոլարի  հավկիթներ են գողացել՝  ձվի թանկացման և դեֆիցիտի պատճառով, հայտնել է CNN-ը։

Նշվում է, որ ընդհանուր առմամբ 100 000 ձու է գողացվել։ Հավկիթները գողացել են Գրինքասլ քաղաքում՝ Pete & Gerry's Organics սննդարտադրող ընկերության գործարանի մոտ կայանված բեռնատարից։ Իրավապահները որոնում են գողերին։

ԱՄՆ-ում վերջին շրջանում հավի ձվի պակաս կա, գները թանկացել են: Պատճառը 2024 թվականի նոյեմբեր-դեկտեմբերից սկսած՝ 13 միլիոնից ավելի հավերի ոչնչացումն է՝  պայմանավորված թռչնագրիպով։