Այսօր՝ հունիսի 8-ին, ավտովթար է տեղի ունեցել Լոռու մարզում: Ժամը 15:00-ի սահմաններում Ալավերդի քաղաքի Էնգելսի փողոցումբախվել են «BMW» և «Honda Accord» մակնիշի ավտոմեքենաները:

Ինչպես հայտնում է ֆոտոլրագրող Գագիկ Շամշյանը, վթարի հետևանքով 2 հոգի մարմնական վնասվածքներով տեղափոխվել են 1-ը՝ Վանաձորի, մեկն էլ «Թումանյան» բժշկական կենտրոններ:

Վիրավորներին առաջինը օգնության են հասել քաղաքացիները, Ալավերդու «Թումանյան» բժշկական կենտրոնի բժիշկներն ու ՀՀ ներքին գործերի նախարարության փրկարար ծառայության Ալավերդու թիվ 39 հրշեջ-փրկարարակ ջոկատի փրկարարները:

Բժիշկները վիրավորին մինչև հիվանդանոց տեղափոխելը տեղում առաջին բուժօգնությունն են ցուցաբերել, այնուհետև փրկարարները հոսանքազրկել են ավտոնեքենաները, փակել գազաբալաններն ու տեղում իրականացրել հերթապահություն: