ԱՄՆ-ի և Եվրոպայի որոշ շրջանակներ կձգտեն ճնշում գործադրել Ռուսաստանի վրա ուկրաինական հակամարտությունը լուծելու առաջիկա բանակցություններում, քանի որ այս գործընթացը կարող է սահմանել նոր աշխարհակարգ: Այս մասին RIA Novosti-ին ասել է թուրքական Vatan (Հայրենիք) կուսակցության գլխավոր քարտուղար Դողու Փերինչեքը։
«Կարծում եմ, որ մի շարք լրատվամիջոցներում և սոցիալական ցանցերում լավատեսությունը Միացյալ Նահանգների և Ռուսաստանի ղեկավարների հեռախոսազրույցների վերաբերյալ որոշակիորեն վաղաժամ է։ Այս խոսակցությունները չպետք է ընկալվեն որպես Ուկրաինայի բոլոր խնդիրների լուծում։ Բանակցությունների ընթացքում ջանքեր կգործադրվեն Ռուսաստանի վրա ճնշում գործադրելու համար։ Այդուհանդերձ, մենք հույս ունենք, որ տարածաշրջանում արագորեն կհաստատվի խաղաղություն»,- նշել է քաղաքական գործիչը։
Նա նաև հավելել է, որ Չինաստանի, Հնդկաստանի, Թուրքիայի և Հունգարիայի ընդգրկումը բանակցային գործընթացում շահավետ կլինի տարածաշրջանի համար՝ հաշվի առնելով, որ առաջիկա բանակցությունները կարող են փոխել աշխարհակարգը։