Այս տարի Ղազախստանում և Ուզբեկստանում տեղի ունեցած արտառոց իրադարձություններն այնտեղ «գունավոր հեղափոխություններ» կազմակերպելու Արևմուտքի փորձերի արդյունք էին. ասել է ՌԴ Անվտանգության խորհրդի քարտուղար Նիկոլայ Պատրուշևը։
«Գունավոր հեղափոխությունները շարունակում են մնալ այսպես կոչված ամերիկյան ոճի ժողովրդավարության խթանման հիմնական միջոցը։ Արևմտյան երկրների կողմից մեր երկրներում դրանք հրահրելու փորձերը նկատվում են պարբերաբար։
Այդպես ենք գնահատում, օրինակ, իրադարձությունները, որոնք տեղի են ունեցել 2020 թվականին Բելառուսում, հունվարին Ղազախստանում և հուլիսին՝ Ուզբեկստանում՝ Ղարակալպակստանում», - ուրբաթ Տաշքենդում ասել է Պատրուշևը Շանհայի համագործակցության կազմակերպության (ՇՀԿ) երկրների Անվտանգության խորհուրդների քարտուղարների 17-րդ տարեկան հանդիպման ժամանակ։
- Երևան 34°C
- $382.41
- €445.63
- ₽4.76