Ամերիկացի փոփ երգչուհի Բրիթնի Սփիրսը կրկին խոսել է Ջեյմի Սփիրսի մասին՝ հայտարարելով, որ դաժանաբար է վերաբերել իր հետ։ Այս մասին հայտնում է Daily Mail-ը։

 «Ես նկատի ունեմ, որ թվում էր, թե հայրս փորձում է սպանել ինձ: Այս մասին մի քանի անգամ խոսել եմ, նրա արարքների ապացույցներ ու վկաներ ունեմ»,- հայտարարել է երգչուհին։

Նա նաեւ պատմել է, թե ինչպես է ստիպված եղել «շաբաթը յոթ օր» աշխատել․ «Եթե ինձ գնահատեին, ապա հորս կկալանավորեին երկու վայրկյանում»։

«Ես երբեք մեծ գումարներ չեմ ներդնի եւ դատարան չեմ դիմի, որպեսզի տեսնեմ՝ արդյո՞ք հայրս պատասխանատվության կենթարկվի։ Ես ընտրում եմ ժպտալը»,- հավելել է Սփիրսը։

Բրիթնի Սփիրսը նախօրեին խոսել է հայրական խնամակալության հետեւանքների մասին, որի ներքո նա գտնվել է 13 տարի։ «Երբ զգում եմ մարդու ներկայություն, անմիջապես սառչում եմ, ստիպված են շունչս պահեմ։ Վստահ եմ, որ լուրջ հոգեբանական տրավմա եմ ստացել այն պատճառով, որ խնամքի ժամանակ չէի կարողանում նորմալ շնչել։ Վնասված նյարդի պատճառով ձեռքս, մեջքիս, պարանոցիս եւ գլխիս աջ կողմի միջով դող է անցնում։ Երբեմն ես ինձ անդամալույծ եմ զգում: Ինձ թվում է, որ ասեղներ ու քորոցներ են խրված մեջս։ Ես միշտ չէ, որ դա զգում եմ, բայց երբ դա տեղի է ունենում, վախենում եմ», - ասել է նա։

NEWS.am STYLE