Մենք այստեղ ենք, և դուք ստիպված եք համակերպվել այս փաստին․ Վարդանյանը՝ իշխանությանը
Մեկնարկել է ԱԺ հերթական քառօրյան, որին մասնակցում է նաև ընդդիմությունը։ Այս նստաշրջանում էլ սեպտեմբերի 13-ից սկսած ընդդիմադիրները չէին եկեկ ԱԺ` նշելով, որ միայն իրենց օրակարգով կմտնեն նիստերի դահլիճ։
Պատգամավորների գրանցումից հետո ԱԺ «Հայաստան» խմբակցության պատգամավոր Աղվան Վարդանյանը վարման կարգով ելույթ ունեցավ՝ դիմելով խորհրդարանին, բայց ոչ իշխանությանը։
«Մենք այստեղ ենք, և դուք ստիպված եք համակերպվել այս փաստին»,- դիմելով իշխանությանը՝ նշեց Վարդանյանը։ Նրա խոսքով՝ Հայաստանի ԱԺ-ն նաև իրենց ու իրենց գործուղած քաղաքացիների ԱԺ-ն է։
«Սա ոչ մեկի սեփականությունը չէ․․․, ծիծաղ»,- նշեց նա։
Վարդանյանը հիշեցրեց, որ երկար ժամանակ բոյկոտել են ԱԺ նիստերը, քանի որ փողոցում էին պայքարում այս իշխանության «կործանարար» քաղաքականության դեմ, հիմա փողոցում ժամանակավոր դադար է, և իրենք օգտագործելու են ԱԺ լծակները։
«Մենք այստեղ ենք մեր օրակարգով, ՀՀ-ի ու Արցախի հարցերի օրակարգով։ Հայ ժովովրդի համար այս դժվարին պահերին այս իշխանությունը սպառնալիք է, և այս իշխանությամբ մեր երկիրն ապագա չունի»,- նշեց Վարդանյանը։
Մանրամասները՝ տեսանյութում:
