Օրեգոնի նահանգի համալսարանի գիտնականները պարզել են, որ շան կարիքների եւ զգացմունքների նկատմամբ նրբազգաց լինելը կարեւոր է, որպեսզի նա մեծանալով՝ սոցիալական եւ խելացի շուն դառնա: Հետազոտությունը հրապարակվել է Animal Cognition ամսագրում. գրում է News.am-ը:
Հետազոտությանը մասնակցել են շների 48 տերեր: Նրանց խնդրել են մասնակցել ընտանի կենդանիների դաստիարակության ոճի վերաբերյալ հարցմանը, իսկ հետո գնահատել են լաբորատորիայում շների պահվածքը: Պարզվել է, որ շան ձագին դաստիարակելու ոճը կարող է կանխատեսել չափահաս շան բնավորությունը։
Հիմնվելով նախնական հարցումների վրա՝ հետազոտողները շների տերերին բաժանել են երեք խմբի՝ նույն կատեգորիաներով, ինչ օգտագործվում է երեխաների դաստիարակության հետազոտության մեջ՝ հեղինակավոր (բարձր ակնկալիքներ, բարձր կարեկցանք), ավտորիտար (բարձր ակնկալիքներ, ցածր կարեկցանք) եւ հանդուրժող (ցածր ակնկալիքներ, բարձր կարեկցանք)։
Ընդհանրապես, հեղինակություն վայելող տերեր ունեցող շներն ունեցել են կապվածության ամենաբարձր մակարդակը եւ շատ շփվող են եղել, համեմատած ավտորիտար կամ հանդուրժող տերեր ունեցող շների հետ: Բացի այդ, պարզվել է, որ նրանք ամենախելացին են։
Հետաքրքիր է, որ աշխատանքի արդյունքները հիմնականում համընկնում են ծնողների եւ երեխաների նախորդ ուսումնասիրությունների հետ: