Միացյալ Նահանգները ՆԱՏՕ-ի մասն է, և շարունակում ենք մնալ կազմակերպության ակտիվ մասնակիցները․ ԱՄՆ պետքարտուղար
ԱՄՆ պետքարտուղար Մարկո Ռուբիոն ժամանել է Բրյուսել՝ քննարկելու ՆԱՏՕ-ի դաշնակիցների հետ անվտանգության հարցերը:
Ռուբիոն և Թրամփի վարչակազմի նոր հատուկ ներկայացուցիչն արդեն այցելել են դաշինքի կենտրոնակայան: Օրակարգում կարեւոր կետ է լինելու ԱՄՆ-ի միջնորդական դերը ուկրաինական հակամարտության կարգավորման գործում։
Ռուբիոն հայտարարել է․ «Միացյալ Նահանգները ՆԱՏՕ-ի մասն է, և մենք նախկինի պես շարունակում ենք մնալ կազմակերպության ակտիվ մասնակիցները (...): Թրամփը հստակ հասկացրել է, որ աջակցում է դաշինքին, և որ Միացյալ Նահանգները մնում է ՆԱՏՕ-ում»:
Նա նույնպես ասել է, որ ՆԱՏՕ-ի յուրաքանչյուր երկրից կպահանջի ռազմական ծախսերը հասցնել մինիեւ իրենց ՀՆԱ-ի 5%-ին, ԱՄՆ-ը նույնպես ստիպված կլինի բարձրացնել ծախսերը։
ՆԱՏՕ-ի գլխավոր քարտուղար Ռյուտեն ԱՄՆ պետքարտուղարին ուղղված իր ողջույնում վստահություն է հայտնել, որ ՆԱՏՕ-ի երկրների օգնությունը Կիեւին թույլ կտա Ուկրաինային պայքարել «այնքան ժամանակ, որքան անհրաժեշտ է»:
