Վլադիմիր Պուտինն ու Ֆինլանդիայի նախագահը քննարկել են այս երկրի ՆԱՏՕ-ին անդամակցության հարցը
Ռազմական չեզոքության ավանդական քաղաքականությունից Ֆինլանդիայի հրաժարվելը սխալ կլինի, քանի որ այդ երկրի անվտանգությանը սպառնացող ոչինչ չկա։
Այս մասին, Կրեմլի մամուլի ծառայության փոխանցմամբ, ասել է ՌԴ նախագահ Վլադիմիր Պուտինը Ֆինլանդիայի նախագահ Սաուլի Նիինիստյոի հետ ունեցած հեռախոսազրույցում։
«ՆԱՏՕ-ին անդամակցելու վերաբերյալ դիմում ներկայացնելու Ֆինլանդիայի ղեկավարության մտադրության մասին կարծիքների անկեղծ փոխանակում է տեղի ունեցել»,- ասվում է Կրեմլի հաղորդագրությունում։
