Թաթարստանում մեկ տարեկան երեխան սովորական պատվաստումներից հետո մասամբ կորցրել է լսողությունը, հայտնում է ՌԴ Քննչական կոմիտեն Telegram-ի իր ալիքում։
«Լենինոգորսկ քաղաքում պատվաստման համար նախատեսված բժշկական պրոցեդուրայից հետո մեկ տարեկան երեխայի մոտ ախտորոշվել է լսողության ֆունկցիայի մասնակի կորուստ»,- ասվում է հաղորդագրության մեջ։
Հարուցվել է քրեական գործ՝ «Անփութություն» հոդվածով։
Ինչպես նշել են վարչությունից, նախաքննության նախնական արդյունքների մասին կզեկուցվի Քննչական կոմիտեի նախագահին։