Դրամի փոխարժեքը՝ այսօր
Եղանակը՝ այսօր
ՀԱՍԱՐԱԿՈՒԹՅՈՒՆ

«Շիրակ» գերեզմանատան մոտ ճակատ ճակատի բախվել են Toyota-ն ու Mercedes-ը․ կան վիրավորներ

Blog Image

Այսօր՝ հուլիսի 3-ին, խոշոր ավտովթար է տեղի ունեցել Շիրակի մարզում։

Ժամը 12։40-ի սահմաններում Գյումրի-Վանաձոր ավտոճանապարհի 8-րդ կմ հատվածում՝ «Շիրակ» գերեզմանատան դիմաց, ճակատ ճակատի բախվել են 58-ամյա Կարեն Խառատյանի վարած Toyota մակնիշի և 31-ամյա Հակոբ Եգանյանի վարած Mercedes մակնիշի ավտոմեքենաները։

Ինչպես հայտնում է ֆոտոլրագրող Գագիկ Շամշյանը, վթարի հետևանքով Կ․ Խառատյանը, նրա ուղևորներ՝ 42-ամյա Արմեն Պողոսյանը, 32-ամյա Արմինե Մկրտումյանը և Mercedes-ի վարորդ Հ․ Եգանյանը մարմնական վնասվածքներով տեղափոխվել են Գյումրու բժշկական կենտրոն։

Վթարի մասին ՊԾ Շիրակի մարզի գումարտակից տեղեկությունը փոխանցել են Հայաստանի Քննչական կոմիտեի Շիրակի մարզային քննչական վարչության Ախուրյանի քննչական բաժին, որտեղից ժամանել է քննչական խումբը՝ օրվա պատասխանատու հերթապահ քննիչի գլխավորությամբ։

Վթարի փաստով Ախուրյանի քննչական բաժնում նախաձեռնվել է վարույթ։
 

Send