ՆԱՏՕ-ն անհանգստացած է Ռուսաստանի և ԱՄՆ-ի մերձեցմամբ
ՆԱՏՕ-ի նկատմամբ Միացյալ Նահանգների դիրքորոշումը վնասում է ռազմական դաշինքի հիմքերը, և Վաշինգտոնի հնարավոր մերձեցումը Ռուսաստանի հետ կդառնա կազմակերպության համար գլխավոր խնդիր: Այս մասին հայտնել է AFP գործակալությունը՝ վկայակոչելով դիվանագիտական աղբյուրներ։
«Լավատեսության մակարդակը, անշուշտ, նվազում է: ԱՄՆ-ը դեռ որևէ կոնկրետ որոշում չի կայացրել, բայց ամեն օր կարծես թե հերթական հարվածն է հասցվում դաշինքի հիմքերին»,- ասել է աղբյուրը հրատարակությանը:
Ռուսաստանի և ԱՄՆ-ի բանակցությունները վախ են առաջացնում ՆԱՏՕ-ում՝ դրանց հնարավոր մերձեցման պատճառով։ Անանուն դիվանագետի խոսքով՝ կողմերի միջև հարաբերությունների բարելավումը կարող է շահավետ լինել։
«Եթե սա ռազմավարական տեղաշարժ է, ապա, իհարկե, մեծ խնդիր է»,- ասել է նա։
