Բրիտանական ԶԼՄ-ների ներկայացուցիչները Ջերմուկում են, քննարկվել է բնակչության հոգեբանական վիճակը
Ջերմուկ համայնքի ղեկավար Վահագն Արսենյանը «Ֆեյսբուք»-ի իր էջում հայտնել է, որ բրիտանական ԶԼՄ-ների ներկայացուցիչները Ջերմուկում են։
«Ջերմուկի համայնքապետարանում կայացած հանդիպման ընթացքում, որին ներկա էին նաև ԵՄ դիտորդները, քննարկվեց 2022 թ. սեպտեմբերյան ագրեսիայի հետևանքով Ջերմուկ առողջարանային քաղաքում տիրող իրավիճակը, հետևանքներն ու ազդեցությունը քաղաքի բնականոն կյանքի վրա, մասնավորապես՝ սոցիալ-տնտեսական իրավիճակն ու բնակչության հոգեբանական վիճակը»,- գրել է նա` կից հրապարակելով լուսանկարներ։
