Պայմանավորված այս նոր ներգաղթով՝ Հայաստանում անշարժ գույքի շուկայում գներն էլ ավելի են բարձրացել։ Այդ մասին այսօր կառավարության նիստից հետո ասաց էկոնոմիկայի նախարար Վահան Քերոբյանը։
Նրա խոսքով՝ դա լուրջ խնդիր է առաջացնում ՀՀ բնակիչների համար, որոնց համար ևս բարձրանում են վարձավճարները։
«Երևանի բամզաբնակարան շենքերում կա մոտ 266 հազար բնակարան, որից տարվա սկզբին չզբաված էր մոտ 30 հազարը։ Հիմա այդ թիվն իջել է մինչև 23 հազար։ Այսինքն՝ մոտ 7000 չբնակեցված բնակարան այս տարի բնակեցվել է»,- ասաց Քերոբյանը։
Նախարարի խոսքով, մոտ 23 000 բնակարան Երևանում չբնակեցված է, և դա խնդիր է նախարարության համար։ «Պետք է այդ բնակարանները մտցնել շրջանառության մեջ, որ վարձով տների գներն էլ իջնեն։ Կոչ եմ անում՝ մարդիկ, որոնք ունեն չբնակեցված բնակարաններ, թող սուբսիդավորվող վարկերով վերանորոգեն դրանք ու տան վարձակալության։ Առաջարկում եմ, որ մարդիկ վարձով տան իրենց բնակարանները»,- նշեց նա։
Քերոբյանը տեղեկացրեց, որ խրախուսում են նաև հյուրանոցատերերին, որ հանրակացարաններ կառուցեն։ «Երևանում չկան մատչելի հանրակացարաններ, ու զբաղվում ենք այդ ուղղությամբ, որ մարդիկ կարողանան մատչելի սենյակներ ձեռք բերել, որ մարզերից մարդիկ գան աշխատեն»,- նշեց նա։
Մանրամասները՝ տեսանյութում․