Բժիշկը զգուշացրել է որոշ հայտնի դեղամիջոցների պատճառով սրտի կաթվածի վտանգի մասին
Հաճախ մարդիկ, փորձելով արագացնել դեղամիջոցների ազդեցությունը, մեծացնում են չափաբաժինը։ Դա արվում է, ի թիվս այլ բաների, վալերիանով և կորվալոլով, բայց դա սպառնում է վտանգավոր հետևանքներով, զգուշացրել է կլինիկական դեղագործ Ալեքսանդր Էդիգերը:
Ռուսաստանյան Հանրային լրատվական ծառայության հետ զրույցում նա ասել է, որ ամենածայրահեղ դեպքերում նույնիսկ կարող է սրտի կաթված առաջանալ։
Նման դեղամիջոցների չափաբաժինը գերազանցելը սկզբում հանգեցնում է ուժեղ հանգստացնող ազդեցության, արյան ճնշման նվազման և հիվանդի կիսաուշագնաց վիճակի, նշել է բժիշկը։
«Այդ կերպ կարելի է հասցնել սրտի կաթվածի, եթե սիրտը պատրաստ չէ նման վարժություններին։ Ինչու՞ վտանգի դիմել մեծացնելով դոզավորումը: Բայց մարդկային հիմարությունն անսահման է»,- նշել է Էդիգերը՝ կոչ անելով մարդկանց չմտածել, որ չափաբաժինը գերազանցելը կօգնի ավելի արագ։
«Անգամ ամենաթեթև դեղամիջոցները, վիտամիններն ու սննդային հավելումները պետք է ընդունել խստորեն համաձայն ցուցումների՝ առանց չափաբաժինը գերազանցելու»,- ընդգծել է մասնագետը։
Նույնիսկ սովորական Omega-3-ը կարող է բացասական հետևանքներ ունենալ առողջության վրա, եթե սխալ ընդունվեն։
