Երևանի քաղաքապետարանի լրատվության վարչության պետ Լևոն Սարդարյանը գրում է.
Գայուշ ջան, ընկերս, քույրս… լավ, էս ո՞նց արեցիր, Փայտյան աղջիկ։ 99-ի հոկտեմբերի 27-ին մազով փրկվեցիր, որ հետո էլի հոկտեմբերի 27-ին գնա՞ս։
Լույս դառնաս, Գայ ջան…
Լրագրող Ոսկան Սարգսյանը գրում է.
Կյանքից անժամանակ հեռացել է հայտնի լրագրող Գայանե Փայտյանը։ Նա արմատներով Տավուշի մարզի Նորաշեն գյուղից էր։ Անձամբ ճանաչել եմ, առիթներ ունեցել նրա հետ շփվելու։ Խորապես վշտացած եմ , ցավակցում եմ հարազատներին։
Լրագրող Հրաչ Մկրտչյանը գրում է.
Երեկ տեղեկացա, որ Գայանե Փայտյանը բարդ վիրահատության է ենթարկվել. ամբողջ օրը աղոթեցինք, բայց ավաղ… Լույսերի մեջ լինես սիրելի Գայանե ջան…
Հայաստանի ժուռնալիստների միության էջում գրառում է կատարվել․
․․․Ցավոք, ճակատագիրը երբեմն շատ դաժան հարվածներ է հասցնում: Գայանե Փայտյանը, որպես լրագրող և փորձառու մասնագետ, դեռ շատ անելիք ուներ հայ լրագրության մեջ, այդ թվում՝ սերունդներին կրթելու գործում․․․
Լրագրող Մարգարիտ Սարգսյանը գրել է․
Փայտս, Գայանս, Գայ ջանս, զրնգուն ծիծաղդ ականջներումս պիտի անցյալո՞վ գրեմ քո մասին։ Ամբողջ կյանքդ կռիվ ու պայքար էր, ամեն տեղ հաղթեցիր, էս մեկն էս ինչ դավադիր էր.... Քո ամեն մի հաղթած կռվից հետո երբ խոսում էինք, խաղաղվում էի, բժշկական քո բոլոր ախտորոշումները կարծես չքանում էին կյանքն ու ապրելը սիրելու քո կամքի առաջ...Կյանքիդ ամենամեծ առաքելությունը երկու Լույս Ձագուկներդ եղան... Գիտես, մեր համքարությունը հերքում չի սիրում, էս բոթին միաձայն բոլորս էինք հրաշքի պես հերքման սպասում..Գայ ջան, խաղաղություն քեզ...
ՀՀԿ նախկին պատգամավոր, "Առավոտ" թերթի նախկին լրագրող Մարգարիտ Եսայանը գրել է․
․․․եթե միամիտ ես ու վախկոտ, մտածում ես, որ պայծառ, համով, լուսավոր եւ ինքնաբավ մարդկանց մահը չի մոտենում, մտածում ես, էդ մարդկանց մեջ էնքան կյանք կա, որ կհերիքի հազար կյանքի համար․․ու մեկ էլ, բոթը՝ մահացել է հենց այդպիսի մարդ, եւ այսօր գործընկերներով սգում ենք մեր Գայուշի, մեր Գայանե Փայտյանի մահը․․Ու ձեռքդ չի գնում գրել էս տողերը․․Գայանեն էնքան էր կյանքով լեցուն ու կյանքինը, դեռ իր պուճուր աղջնակներին պիտի մեծացներ, նրանց ուսումնառությունը տեսներ, հպարտանար, հետո՝ հարսանիքներին՝ պարեր․․,․ավաղ, անքննելի են Աստծո գործերը․․Տխուր եմ, գիտեմ, բոլորը, ովքեր ճանաչել են մեր Գայուշին, տխուր են․․․Ցավակցում եմ հարազատներին․․
Հ․Գ․Էս նկարներում մենք էնքան ուրախ ենք, Բուլղարիայում ԱԺ նախագահի այց էինք լուսաբանում, բայց, շարունակ մի տեղ էինք փախչում ու ուշացած գալիս էինք ու էս նկարում մեկը ահավոր ջղայնանում էր մեր՝ անկարգներիս պատճառով․․Էն մյուս նկարում ահավոր թրջվել էիքն, դողում էիքն ու հռհռում․․․Երանի էդ պայծառ օրերը․․Սրանք մեր չաարաճճիությունների երջանիկ ժամանակներն էին․․Գայ ջան․․․Հոգիդ լուսավոր էր եւ լույսերի մեջ կլինի․․