Վրաստանի և Հայաստանի հեղափոխություններում ձեռագրի ակնհայտ կրկնություն կա. Հայաստանում եւս դատաիրավական համակարգի իշխանությունն անցնում է կանանց ձեռքը: Նման դիտարկմամբ է հանդես եկել «Հայրենիք» կուսակցության խորհրդի անդամ Արսեն Բաբայանը:
«Իսկ նկատե՞լ եք, որ իրավական, իրավապահ ու դատական համակարգերն այս իշխանության ձեռքով անցնում են կանանց ձեռքը:
Վճռաբեկ դատարանի նախագահը կին է, վճռաբեկի քաղաքացիական պալատի նախագահը կին է, ՄԻՊ-ը կին է, գլխավոր դատախազը կին է լինելու:
Նույնը կատարվեց նաև Վրաստանում, երբ գունավոր հեղափոխությամբ իշխանության եկավ Սահակաշվիլին: Ձեռագրի ակնհայտ կրկնություն կա Վրաստանի և Հայաստանի հեղափոխություններում», - տելեգրամի իր ալիքում գրել է նա: