Ադրբեջանի և Հայաստանի արտգործնախարարների բանակցությունները Վաշինգտոնում «կարող է տևեն մի քանի օր». այս մասին հաղորդում են ադրբեջանական լրատվամիջոցները։
Նշվում է, որ Ջեյհուն Բայրամովը և Արարատ Միրզոյանը կմշակեն «խաղաղության ճանապարհային քարտեզ», և եթե Վաշինգտոնում հաջողվի այն մշակել, ապա Եվրոպան «իր գործը կավարտի» և «մի քանի շաբաթների ընթացքում կնդունի Ադրբեջանի և Հայաստանի առաջնորդներին՝ խաղաղության պայմանագիր կնքելու համար»,- գրում է «Թուրան»-ը՝ դիվանագիտական աղբյուրներին հղումով։
Հաղորդվում է նաև, որ բանակցությունների մեծ մասը տեղի կունենա Վաշինգտոնից դուրս գտնվող Արտաքին գործերի ազգային ուսումնական կենտրոնում։ Երկուշաբթի օրը Բլինկենը Ուսումնական կենտրոնում առանձին կհանդիպի նախարարների հետ, ապա կմասնակցի նրանց երկկողմ խաղաղ բանակցություններին։