Մասնագետները դասակարգել են ամենակատարյալ շուրթերով կանանց

Կոսմետոլոգ Էլլի Սաթին և բուժքույր Նինա Պրիսկն անվանել են ամենակատարյալ շուրթերով կնոջը, գրել է «The Sun»-ը։

Ցուցակը գլխավորել է բրիտանացի հեռուստաաստղ Էյ Ջեյ Օդուդը։ Սաթիի խոսքով՝ 37-ամյա հայտնիի շուրթերը, բնականաբար, շատ լիքն են և ունեն ավելի ընդգծված կուպիդային կոր։

Բժիշկը նշել է, որ դրանցում ծավալի բաշխումը այնքան էլ չի համընկնում ոսկե հարաբերակցության հետ, որտեղ իդեալական պարամետրը համարվում է 1:1:6 հարաբերակցությունը։ «Նրա շուրթերը հավասարակշռություն են հաղորդում դեմքին, ինչը, ի վերջո, ամենակարևորն է գեղագիտությունը գնահատելիս»,- բացատրել է փորձագետը։

Երկրորդ տեղում է իռլանդացի հեռուստաաստղ Մաուրա Հիգինսը, իսկ երրորդը՝ բրիտանացի հեռուստահաղորդավարուհի և դիջեյ Մայա Ջաման։

Ամերիկացի գործարար Քայլի Ջենները չորրորդ տեղում է, բրիտանացի թուրք մոդել Էքին-Սու Քուլչուլօղլուն՝ հինգերորդը, իսկ ամերիկացի երգչուհի Սաբրինա Քարփենթերը՝ վեցերորդը։

Վերջին տեղը զբաղեցրել է Ուելսի արքայադուստր Քեյթ Միդլթոնը։ Բժիշկ Սաթին նշել է, որ արքայական շուրթերը համեմատաբար մոտ են ոսկե հարաբերակցությանը։ «Դրանք շատ հագեցած չեն, բայց կոկիկորեն համապատասխանում են նրա դեմքի մյուս հատկանիշներին՝ նպաստելով ներդաշնակության ու հավասարակշռության ընդհանուր զգացողությանը»,- ընդգծել է մասնագետը։