Բելառուսում ամպրոպի հետևանքով երկու մարդ է մահացել

Բելառուսում շաբաթ օրը ուժեղ քամիներով ուղեկցվող ամպրոպի հետևանքով երկու մարդ է մահացել. հայտնում է հանրապետության արտակարգ իրավիճակների նախարարությունը։

«Մինսկի շրջանի Կուչկի գյուղի մոտ գտնվող Վիլեյկա ջրամբարի ափին՝ «Քուլ Փլեյս» ճամբարի տարածքում, ծառի ընկնելու հետևանքով մահացու վիրավորում է ստացել 1989 թվականին ծնված քաղաքացին: Մինսկի Սլեպյանսկայա ջրային համակարգի ջրանցքի մոտ ծառի տապալման հետևանքով 1998 թվականին ծնված քաղաքացի է զոհվել, իսկ 1999 թվականին ծնված քաղաքացին վիրավորվել է և հոսպիտալացվել»,- ասվում է ԱԻՆ կայքում։ .

Բացի այդ, ԱԻՆ-ից հայտնում են, որ քամու պոռթկումից Մինսկում վարչական շենքից ապակի է ընկել, որի բեկորներից տուժել են 1999 թվականին ծնված քաղաքացին և 2007 թվականին ծնված նրա եղբայրը։ Մինսկի Կոմսոմոլսկոյե լճի մերձակայքում գտնվող անտառապատ տարածքում 2015 թվականին ծնված տղան տուժել է ծառի ճյուղից։ Առողջապահական հաստատություններում բուժօգնություն ստանալուց հետո տուժածներն ուղարկվել են ամբուլատոր բուժման։ 

Հաղորդագրության համաձայն՝ Մինսկում քամու պոռթկումի հետևանքով փլուզվել է նաև մասնավոր բնակելի շենքի աղյուսե պատի մի մասը։ 1990 թվականին ծնված քաղաքացին շենքային կառույցների տարրերից վնասվածքներ է ստացել և հոսպիտալացվել։ 

Իրադարձություններին ավելի արագ հետևելու համար բաժանորդագրվեք՝ MediaHub1world