Նոր զարգացումներ ռուս-ուկրաինական հարցով․ Լոնդոնում որոշում է սպասվում զինադադարի մասին

ԱՄՆ-ը Փարիզում բանակցությունների ժամանակ հստակ հասկացրել է, որ մշակել է «հայեցակարգի նախագիծ»՝ ռուս-ուկրաինական հրադադարի ռեժիմի մոնիտորինգի համար, եթե այն համաձայնեցվի: Այս մասին հայտնել է «The Wall Street Journal»-ը՝ վկայակոչելով արևմտյան պաշտոնյայի։

Թերթի աղբյուրը մանրամասներ չի հայտնել։

Ապրիլի 17-ին ԱՄՆ-ը Ֆրանսիայի մայրաքաղաքում մի քանի հանդիպումներ է ունեցել Ուկրաինայի և եվրոպական երկրների ներկայացուցիչների հետ։

Ուկրաինան աջակցում է ԱՄՆ նախագահ Դոնալդ Թրամփի խաղաղության ծրագրին, հաջորդ քայլը Ռուսաստանինն է, գրել է «New York Post»-ը։

Ըստ թերթի՝ Ուկրաինան համաձայն է Թրամփի կողմից Փարիզում ներկայացված խաղաղության շրջանակի «90 տոկոսին»:

Ուկրաինայում կրակի ամբողջական և համապարփակ դադարեցման շուրջ համաձայնությունը կարող է ձեռք բերվել հաջորդ շաբաթ Լոնդոնում, նշել է «New York Post»-ը՝ վկայակոչելով ԱՄՆ նախագահ Դոնալդ Թրամփի վարչակազմի բարձրաստիճան պաշտոնյայի։

Հրատարակությունը գրել է, որ Ուկրաինայի պաշտպանության նախարար Ռուստեմ Ումերովը ամերիկացի պաշտոնյաներին ասել է, որ Կիեւը «90%-ով» աջակցում է նախագահ Թրամփի խաղաղության շրջանակին, որն այս շաբաթ Փարիզում ներկայացրել են պետքարտուղար Մարկո Ռուբիոն և երկու հատուկ բանագնացները

«Մենք ցանկանում ենք հաջորդ շաբաթ Լոնդոնում որոշում կայացնել ամբողջական և համապարփակ զինադադարի մասին»,- ասել է պաշտոնյան։