Սիրելի երևանցիներ, ավագանու հարգելի անդամներ, իրապես ցավում եմ միջադեպի համար, նաև ինձ մեղավոր եմ համարում դրա համար, որ չեմ կարողացել դա կանխել` որպես նիստը վարող։ Այս մասին այսօր Երևանի ավագանու թեժ նիստից հետո ասաց քաղաքապետ Տիգրան Ավինյանը։
«Նիստը տեղափոխենք վաղը և աշխատանքները շարունակենք առավոտյան»,- ասաց նա։
Հիշեցնենք, որ այսօր Երևանի ավագանու նիստն այսօր բուռն ընթացք ունեցավ, մասնավորապես, վիճաբանություն ու քաշքշուկ սկսվեց «Հանրապետություն» խմբակցության քարտուղար Անի Խաչատրյանի և «Մայր Հայաստան» խմբակցության անդամ Սոնա Աղեկյանի միջև։
Նիստերի դահլիճում միմյանց վրա ջուր շփելուց, մազեր քաշելուց հետո Երևանի քաղաքապետ Տիգրան Ավինյանն ուղիղ հեռարձակումն անջատել տվեց։
MediaHub-ի տեղեկություններով՝ ավագանիների ծեծկռտուքը տեղափոխվել է միջանցք, որտեղ էլ փոխադարձ վիրավորանքներ են հնչել, անգամ կնոջը ոչ հարիր հայհոյանքներ։
MediaHub-ին փոխանցեցին նաև, որ «Հանրապետություն» և «Մայր Հայաստան» խմբակցությունների տղամարդիկ ևս միացել են «խրախճանքին», իրար քաշքշել, հայհոյել։ Տևական ժամանակ իրավիճակը հարթել չի հաջողվել:
Մանրամասները՝ տեսանյութում