Ճապոնիայի հարավային ափերի մոտ 6 մագնիտուդ ուժգնությամբ երկրաշարժ է տեղի ունեցել, հաղորդում է երկրի Գլխավոր օդերեւութաբանական գործակալությունը։

Ստորգետնյա ցնցումները գրանցվել են տեղական ժամանակով 21:16-ին: Էպիկենտրոնը ընկել է 10 կիլոմետր խորության վրա։ Երկրաշարժի էպիկենտրոնը գտնվել է Արևելաչինական ծովի Օսիմա կղզու հյուսիսարևելյան ափերի մոտ:

Հնարավոր զոհերի կամ ավերածությունների մասին տեղեկություններ չկան։ Ցունամիի սպառնալիք չի հայտարարվել։