Հունիսի 27-ին Հարավային Կորեայի զինվորականները դաշտային զորավարժություններ են սկսել՝ Հյուսիսային Կորեայի կողմից միջուկային զենքի հնարավոր փորձարկումների պատճառով. այդ մասին հայտնում է Yonhap News գործակալությունը:

«Սեուլը ձգտում է բարձրացնել իր ռազմական պատրաստվածությունը՝ Փհենյանի կողմից միջուկային փորձարկումների անցկացման հնարավորության պատճառով աճող անհանգստության ֆոնին», - գրում է պարբերականը:

5-օրյա զորավարժությունները կազմակերպվել են բանակի, ռազմաօդային ուժերի և նավատորմի մասնակցությամբ: Զորավաժություններն անցկացվում են երկրի արևմտյան ափի երկայնքով: Զինվորականները մշակում են նաև հրահանգներ՝ մարտի դաշտում լոգիստիկայի հետ կապված խնդիրների դեպքում ժամանակին աջակցություն ցուցաբերելու համար:

Հունիսի 24-ին Հյուսիսային Կորեայի առաջնորդ Կիմ Չեն Ինը հայտարարել էր երկրի պաշտպանական ներուժը մեծացնելու անհրաժեշտության մասին՝ դիմակայելու արտաքին միջամտությանը: