ՄԱԳԱՏԷ-ի ղեկավարը ցանկանում է դառնալ ՄԱԿ-ի հաջորդ գլխավոր քարտուղարը

Արգենտինացի դիվանագետ և Ատոմային էներգիայի միջազգային գործակալության (ՄԱԳԱՏԷ) գլխավոր տնօրեն Ռաֆայել Գրոսսին հաստատել է ՄԱԿ-ի գլխավոր քարտուղարի պաշտոնում առաջադրվելու իր մտադրությունը, գրել են ԶԼՄ-ները։

Պաշտոնը թափուր կմնա 2026 թվականին՝ պորտուգալացի Անտոնիու Գուտերեշի լիազորությունների ավարտից հետո։

Գուտերեշի իրավահաջորդի ընտրության գործընթացը կսկսվի 2025 թվականի վերջին, երբ համապատասխան կոչը կհրապարակվի ՄԱԿ-ի Գլխավոր ասամբլեայի շրջանակներում։

«Ես մտածում եմ այդ մասին և շատ լուրջ եմ մտածում: Առայժմ սա այն ամենն է, ինչ կարող եմ ասել», - ասել է Գրոսսին Արգենտինայի միջազգային հարաբերությունների խորհրդի (CARI) նիստում:

Նրա խոսքով՝ Արգենտինայի համար պատիվ կլիներ իրեն առաջադրել որպես միջազգային կազմակերպության գլխավոր քարտուղարի թեկնածու: