Երևանի քաղաքապետարանում մեկնարկել է հերթական գործակարգավարական նիստը։
Նիստի ընթացքում քաղաքապետ Տիգրան Ավինյանը, անդրադառնալով Երևանի մետրոպոլիտենի Աջափնյակ կայարանի կառուցման հարցին, ասաց, որ իրենք փաստացի արդեն իսկ ստացել են կայարանի կառուցման նախագծային աշխատանքների ամբողջական փաթեթը, և այդ փաթեթը գտնվում է արդեն համալիր փորձաքննության իրականացման դաշտում։
«Պիտի խնդրեմ, որ այդ աշխատանքներն ամփոփելուց հետո միանգամից մրցույթի դնենք, առանց ֆինանսական միջոցների հարցը հընթացս սկսենք լուծել։ Բայց արդեն պատրաստ լինենք, որ հաջորդ տարվանից Երևանի Աջափնյակ մետրոյի շինարարական աշխատանքները պետք է սկսենք»,- ասաց Ավինյանը։
Նրան տեղեկացրին, որ այս պահին կապալառու կազմակերպության կոզմից կայարանի կառուցման նախագիծը հանձնվել է Երևանի քաղաքապետարանին, այս պահին ընթանում են պարզ և համալիր փորձաքննության աշխատանքները, և ավարտից հետո պատրաստ կլինեն շինաշխատանքների մրցույթին ներկայացնել։
Անդրադարձ եղավ նաև մետրոյի «Սուրմալու» կայարանի կառուցման հարցին։
Ավինյանին զեկուցեցին, որ պատրաստ են տրամադրել մրցույթի «Սուրմալու» կայարանի կառուցման նախագծանախահաշվային փաստաթղթեր ձեռք բերելու հայտ, բայց այս պահին ֆինանսական միջոցներ չունեն, կարող են առանց ֆինանսական միջոցների ներկայացնել, իսկ 2024 թվականին նոր ֆինանսական միջոցների հարցը լուծել։
Մանրամասները՝ տեսանյութում