Թբիլիսիում ցուցարարները պահանջում են խորհրդարանից հետ կանչել օտարերկրյա գործակալների մասին օրենքի նախագիծը և ազատ արձակել բոլոր ձերբակալվածներին:
Լայնածավալ բողոքի ակցիայի մասնակիցները այս երկու պահանջ են ներկայացրել Վրաստանի իշխանություններին՝ լարվածության աճից խուսափելու համար։ Այս մասին հայտնում է «ՌԻԱ Նովոստին»։
«Վրացական երազանքը» պետք է անհապաղ հետ կանչի ռուսական օրենքը խորհրդարանից եւ ազատ արձակի բոլոր նրանց, ովքեր երեկ ապօրինի ձերբակալվել են»,- ասել է ընդդիմության առաջնորդ Գեորգի Վաշաձեն: Նա հավելել է, որ երկրի ղեկավարությանը սրա համար մեկ ժամ է տրվում, հակառակ դեպքում ակտիվիստները «կանցնեն այլ քայլերի»։ Բախումներից խուսափել չի հաջողվել․ խորհրդարանի հետևի մուտքի մոտ բախումներ են տեղի ունեցել ցուցարարների և ոստիկանների միջև: Իրավիճակը սրվել է այն բանից հետո, երբ ցուցարարներն սկսել են շշեր ու ձվեր նետել ոստիկանների ուղղությամբ։ Վերջիններս կիրառել են խլացուցիչ նռնակներ և ջրցան մեքենաներ։
Համացանցում նաև կադրեր են տարածվել, թե ինչպես են ցուցարարները փորձում կոտրել խորհրդարանի բակի դարպասները:
Տեսանյութն՝ այստեղ