Ո՞ր գործոններն են նպաստում կրծքագեղձի քաղցկեղի առաջացմանը

Որո՞նք են կրծքագեղձի քաղցկեղի զարգացման վրա ազդող հիմնական գործոնները:
Այդպիսի գործոնները մի քանիսն են, որոնց մասին խոսել է ուռուցքաբան Ռանո Ազիմովան (Ռուսաստան)։
Ըստ «Իզվեստիա»-ի՝ կրծքագեղձի բարորակ ուռուցք առաջացնող ամենատարածված պատճառներն են հորմոնալ անհավասարակշռությունը, էկոլոգիան եւ օգտագործվող սննդի որակը:
Ըստ մասնագետի՝ այս գործոնների պատճառով հիվանդությունը հաճախ նկատվում է մեծ քաղաքներում ապրող կանանց մոտ։
Ինչ վերաբերում է չարորակ ուռուցքներին, ապա դրանք հաճախ առաջանում են դաշտանի վաղ սկզբի, ուշ դաշտանադադարի եւ շրջակա միջավայրի անբարենպաստ գործոնների պատճառով:
Նման ուռուցքների վաղ հայտնաբերման համար մասնագետը կոչ է արել պարբերաբար բուժզննում անցնել։