Ամբիոնին մոտենալուց առաջ մտածում էի, թե որ մանուկին եմ պատասխանում կամ ասելիք ունեմ։
Այս մասին քիչ առաջ Երևանի ավագանու նիստի ժամանակ ասաց «Հանրապետություն» խմբակցության քարտուղար Անի Խաչատրյանը՝ խոսելով ավագանու ընդդիմադիր անդամների հայտարարությունների մասին։
Խաչատրյանի քննադատական ելույթի ընթացքում, երբ «կորցրեց մտքի թելը», նիստերի դահլիճից դիտարկումներ հնչեցին․
«Անգիր անեիր, նոր գայիր, ժամանակին դաս նորմալ անգիր անեիր, նոր գայիր»,- հնչեց դահլիճից։
Քաղաքապետ Տիգրան Ավինյանն էլ արձագանեց, թե Հայրապետյանի սուր ելույթի ժամանակ ոչ մեկը չխանգարեց։
Անի Խաչատրյանը շարունակեց ելույթը։ «Ինչու էին ձեր տերերը սեփական ժողովրդից աբիժնիկ վիճակում ռուսական հեռուստաալիքներում ՀՀ անկախությունը վաճառում»,- հակադարձեց նա։
«Մայր Հայաստան» խմբակցության անդամ Սոնա Աղեկյանն էլ պատասխանեց․
«Որովհետև քո տերերը թույլ էին տվել, որ թուրքերը միզեն Վազգեն Սարգսյանի արձանի վրա, այ դա քո տերերն են թույլ տվել, չափդ ճանաչի՛»։
Անի Խաչատրյանն էլ դիմելով Սոնա Աղեկյանին՝ ասաց․ «Կոյուղաջրերի թագուհի, դուք հետո կխոսեք»։
Կրքերը թեժացան դահլիճում. Ավինյանը խնդրեց բոլոր բարձրախոսերն ու լայվերն անջատել, երբ Անի Խաչատրյանը հարձակվեց ընդդիմախոսների վրա: Դահլիճում ծեծկռտուք սկսվեց։
Մանրամասները՝ տեսանյութում