Երեկ ՀՀ ՊՆ-ն հաղորդագրություն տարածեց, որ հունիսի 13-ին՝ ժամը 18:40-ին, Ադրբեջանի ԶՈւ ստորաբաժանումները տարբեր տրամաչափի հրաձգային զենքերից կրակ են բացել Երասխի հատվածում տեղակայված հայկական դիրքերի ուղղությամբ: Հայկական կողմում տուժածներ չկան: Ավելի ուշ էլ հայտնի դարձավ, որ թշնամին կրակել է քաղաքացիական մեքենայի ուղղությամբ։
Այսօր առավոտյան MediaHub.am-ն իրավիճակը տեղից լուսաբանելու համար մեկնեց Երասխ, որտեղ քաղաքացիներից մեկի հետ զրույցի ժամանակ՝ 11:30-ի հատվածում, կրակոցի ձայներ լսվեցին։ Մեր զրուցակիցը, դիմելով մեզ, նշեց․ «Գյուլլեն եկավ, տեսա՞ր։ Ոտքերս դող ընկան»։
Դրանից քիչ անց ՀՀ ՊՆ-ն հաղորդագրություն տարածեց, որում նշված է․
«Ադրբեջանի պաշտպանության նախարարությունը, 11:30-ի սահմաններում տարածելով ապատեղեկատվություն այն մասին, թե իբր ՀՀ ԶՈՒ-ն կրակ է բացել Երասխի հատվածում տեղակայված ադրբեջանական դիրքերի ուղղությամբ, ստեղծելով տեղեկատվական հիմք, 10-15 րոպե անց՝ ժամը 11:45-ի սահմաններում, նույն ուղղությամբ կրակ է բացել Երասխում օտարերկրյա ներդրումների միջոցով կառուցվող մետալուրգիական գործարանի ուղղությամբ, ինչի հետևանքով վիրավորում են ստացել օտարերկրյա 2 քաղաքացի»։
Մանրամասները՝ տեսանյութում։