ԱՄՆ-ը մշակում է պաղեստինցիներին Լիբիա տեղափոխելու ծրագիր

ԱՄՆ նախագահի վարչակազմն աշխատում է Գազայի հատվածից մինչև 1 միլիոն պաղեստինցիների մշտական ​​բնակեցման ծրագրի վրա՝ Լիբիա, հայտնել է «NBC News»-ը՝ հղում անելով աղբյուրներին։

Մի քանի աղբյուրներ հայտնել են, որ Վաշինգտոնն արդեն քննարկել է այդ ծրագիրը Տրիպոլիի հետ:

Ինչպես հաղորդել է հեռուստաալիքը, Սպիտակ տունը բավականին լրջորեն է դիտարկում ծրագիրը, սակայն վերջնական համաձայնություն դեռ ձեռք չի բերվել։ ԱՄՆ-ն Իսրայելին տեղեկացնում է քննարկումների ընթացքի մասին։

Պաղեստինցիներին վերաբնակեցնելու դիմաց Միացյալ Նահանգները կարող է Լիբիային վերադարձնել միլիարդավոր դոլարներ, որոնք Վաշինգտոնը սառեցրել է ավելի քան մեկ տասնամյակ առաջ: Պետքարտուղարությունը և Ազգային անվտանգության խորհուրդը չեն պատասխանել «NBC News»-ի հարցումներին, իսկ հոդվածի հրապարակումից հետո հայտարարել են, որ հաղորդագրությունը չի համապատասխանում իրականությանը։

ԱՄՆ նախագահ Դոնալդ Թրամփը հայտարարել է, որ Վաշինգտոնն առաջարկում է պաղեստինցիներին վերաբնակեցնել Իսրայելի և ՀԱՄԱՍ-ի միջև պատերազմի դադարեցման ծրագրի շրջանակներում։ Ըստ առաջարկի՝ Գազան պետք է անցնի Միացյալ Նահանգների վերահսկողության տակ։ Պաղեստինի ինքնավարությունը և Արաբական լիգան դեմ են արտահայտվել տեղահանմանը: