Վրաստանի պաշտպանական ուժերի գումարտակի հրամանատարը կայծակահարվել է ուսումնավարժարանում․ հայտնում է Սպուտնիկ Վրաստանը։
Վրաստանի պաշտպանության բանակի հրետանային գումարտակի հրամանատար, փոխգնդապետ Գոդերձի Ապրասիձեն կայծակահարվել է, նա ծանր վիճակում գտնվում է կլինիկայում։
Ըստ իշխանությունների՝ տուժածին տեղում օգնություն է ցուցաբերվել, այնուհետև տեղափոխվել է Ախալցխայի հիվանդանոցի վերակենդանացման բաժանմունք։
Գործակալության տվյալներով՝ զինվորականի վիճակը կրիտիկական էր, սակայն բժիշկներին հաջողվել է կայունացնել վիճակը։
Ռազմական ոստիկանությունը հետաքննում է միջադեպը։