Այսօր՝ մայիսի 11-ին, ավտովթար  է տեղի ունեցել Կոտայքի մարզում: Ժամը 19:20-ի սահմաններում Աբովյան քաղաքի Հատիսի փողոցում բախվել են Audi և Opel մակնիշի ավտոմեքենաները:

Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 1 հոգի մարմնական վնասվածքներով տեղափոխվել է «Աբովյան» բժշկական կենտրոն:

Վթարի մասին Ոստիկանության Կոտայքի բաժնից տեղեկությունը փոխանցել են Հայաստանի Քննչական կոմիտեի Կոտայքի մարզային քննչական վարչության Աբովյանի քննչական բաժին, որտեղից ժամանել է քննչական խումբը՝ բաժնի պետ Կարեն Փտուկյանի և ավագ քննիչ Թամազյանի գլխավարոությամբ:

Վթարի փաստով Աբովյանի քննչական բաժնում նախաձեռնվել է վարույթ: 

Ոստիկանություն ու քննչական բաժինը պարզում են վարորդների ու վիրավորի ինքնությունը: