Դրամի փոխարժեքը՝ այսօր
Եղանակը՝ այսօր
ՀԱՍԱՐԱԿՈՒԹՅՈՒՆ

«Երևան պարկ»-ի դիմաց բախվել են Opel Zafira-ն ու «06»-ը․ կան վիրավորներ

Blog Image

Այսօր՝ հունվարի 15-ին, խոշոր ավտովթար է տեղի ունեցել Երևանում։ Ժամը 10։00-ի սահմաններում Մոնթե Մելքոնյան փողոցում՝ «Երևան պարկ»-ի դիմաց, բախվել են Opel Zafira և VAZ 2106 մակնիշի ավտոմեքենաները։

Ինչպես դեպքի վայրից հայտնում է ֆոտոլրագրող Գագիկ Շամշյանը, բախման հետևանքով «06»-ը դուրս է եկել հանդիպակաց երթևեկելի գոտի՝ անցնելով բաժանարար գոտում գտնվող կանաչ գազոնի վրայով,ապա բախվել բազալտե եզրաքարերին և գլխիվայր շրջվել։

Վթարի հետևանքով «06»-ի վարորդին ու նրա ուղևորին ավտոմեքենայից դուրս են բերել օպերատիվորեն ժամանած ՀՀ ՆԳՆ փրկարար ծառայության Երևանի թիվ 1 հրշեջ փրկարարական ջոկատի փրկարարները։ Սթափության փորձաքննության ենթարկվեց Opel-ի վարորդը, ով եղել է սթափ։ 

Վթարի փաստով քննչական բաժնում նախաձեռնվել է վարույթ։ Պարեկային ծառայությունն ու քննչական բաժինը պարզում են վարորդների և վիրավորների ինքնությունը։ 

Ավտոմեքենաները քննիչի հանձնարարականով տեղափոխվում են պարեկային  ծառայության Երևանի գնդի պահպանվող հատուկ տարածք։ 


 

Send