ՌԴ նախագահ Վլադիմիր Պուտինը և Մոսկվայի քաղաքապետ Սերգեյ Սոբյանինը համտեսել են քոլեջի ուսանողների պատրաստած սուրճը։ Համապատասխան կադրերը հրապարակել է իր Telegram-ի «Մոսկվա» հաղորդաշարի համահեղինակ Պավել Զարուբինը։
Կադրերում երեւում է, թե ինչպես են Պուտինին ու Սոբյանինին թղթե բաժակների մեջ թարմ պատրաստված սուրճ տալիս։ Երկրի ղեկավարը համտեսում է ըմպելիքը, ապա նշում, որ այն համեղ է պատրաստված։ Այնուհետև նախագահը հարցրեց բարիստի անունը և շնորհակալություն հայտնեց սուրճի համար:
Ռուսաստանի նախագահ Վլադիմիր Պուտինը խմել է էսպրեսսո, որը պատրաստել են 16 գրամ բրազիլական հատիկներից:
Life-ի թղթակցի Սոբյանինին հասցեագրված վճարման մասին հարցին, Պուտինը պատասխանել է կատակով.
«Ապառիկ», - ասաց նա ժպտալով:
Տեսանյութը՝ այստեղ
Չորեքշաբթի օրը՝ հոկտեմբերի 2-ին, Վլադիմիր Պուտինը Ռուդնևոյում մասնակցել է քոլեջի ուսանողների վերապատրաստման վայրի բացմանը: Երկրի ղեկավարը փոխվարչապետ Դենիս Մանտուրովի և կրթության նախարար Սերգեյ Կրավցովի ուղեկցությամբ շրջել է կրթաարտադրական համալիրում։