ԱՄՆ նախագահ Դոնալդ Թրամփը հայտարարել է Ջո Բայդենին գաղտնի տեղեկություններին հասանելիության թույլտվությունն անհապաղ չեղարկելու մասին։
Իր «Truth Social» սոցիալական ցանցում Թրամփը գրել է, որ Բայդենին «անհրաժեշտ չէ» հասանելիություն գաղտնի տեղեկատվությանը, ուստի չեղյալ է համարել նրա թույլտվությունը դրա և հետախուզության ամենօրյա ճեպազրույցների վերաբերյալ:
«[Հատուկ փաստաբան Ռոբերտ Հուր] Հուրի զեկույցը ցույց է տվել, որ Բայդենը տառապում է «վատ հիշողությամբ» և նույնիսկ իր «լավագույն տարիներին» նրան չի կարելի վստահել զգայուն տեղեկատվությանը։ Ես միշտ կպաշտպանեմ մեր ազգային անվտանգությունը. ՋՈ, ԴՈՒ ՀԵՌԱՑՎԱԾ ԵՍ»,- ասել է Թրամփը։
Նա հավելել է, որ Բայդենն ինքն էր «նախադեպ ստեղծել», երբ հրամայել էր հետախուզական գործակալություններին սահմանափակել «ազգային անվտանգության մանրամասների» հասանելիությունը Թրամփի համար 2021 թվականին։