Անցյալ տարվա գարնանը Եվրահանձնաժողովը Գերմանիայի կառավարությանը նախազգուշացրել է՝ չհաստատել Համբուրգի նավահանգստում չինական Cosco ընկերության ներդրումները, գրել է գերմանական Handelsblatt թերթը՝ հղում տալով իր աղբյուրներին:

Նավագնացության հսկա Cosco-ն անցյալ տարի հայտ է ներկայացրել Գերմանիայի հյուսիսային Համբուրգ քաղաքի ամենամեծ նավահանգստի երեք տերմինալներից մեկի բաժնետոմսերի 35%-ի համար:

Գերմանիայի կառավարության աղբյուրները նշել են, որ այս հարցում մարմնում երկու իրարամերժ տեսակետներ կան՝ չնայած Բեռլինը Պեկինը կոչ է արել չքաղաքականացնել հայտը:

Handelsblatt-ի փոխանցմամբ՝ ԵՄ-ն նախազգուշացրել է, որ ներդրումների դեպքում բիզնես տեղեկատվությունը կարող է հայտնվել Չինաստանի ձեռքում։

Գերմանական կառավարությունը, որը դեռեւս որոշում պիտի կայացնի՝ հավանություն տալ գործարքին թե ոչ, հրաժարվել է մեկնաբանել հրապարակումը: Օլաֆ Շոլցի խոսնակն ասել է, որ Գերմանիայի կանցլերը դեռեւս համաձայնության չի եկել համապատասխան նախարարների հետ: