Վաշինգտոնը մտադիր է մոտ ապագայում ներկայացնել Արկտիկայի նորացված ռազմավարությունը. փաստաթուղթը հաշվի կառնի Չինաստանի եւ Ռուսաստանի վերջին գործողությունները տարածաշրջանում։ Այս մասին հայտարարել է ԱՄՆ-ի պետքարտուղարի Եվրոպայի եւ Եվրասիայի հարցերով օգնականի տեղակալ Դագ Ջոնսը։
«Մենք աշխատում ենք Արկտիկայի ազգային ռազմավարության թարմացման վրա։ Հուսով եմ, որ այն շուտով կհրապարակվի»,- ասել է Ջոնսը:
Նրա խոսքով՝ փաստաթղթում հաշվի են առնվելու նաեւ կլիմայի շարունակական փոփոխությունները եւ Ռուսաստանի ու Չինաստանի հետ աճող աշխարհաքաղաքական մրցակցությունը։
Ավելի վաղ ՌԴ Անվտանգության խորհրդի քարտուղարի տեղակալ Միխայիլ Պոպովը հայտարարել էր, որ ԱՄՆ-ն փորձում է վիճարկել Ռուսաստանի օրինական իրավունքները Արկտիկայում՝ հասնելով անարգել մուտքի դեպի տարածաշրջանի ռեսուրսներ եւ Հյուսիսային ծովային երթուղի։
Մինչ այս հաղորդվում է, որ ՆԱՏՕ-ի գերազանցության կենտրոնը, ռազմավարական հաղորդակցության ոլորտում, կվերլուծի Արկտիկայում ազդեցություն գործադրելու պետությունների փորձերը։ Վերջնական զեկույցում նաեւ, պետք է մանրամասն վերլուծվի Արկտիկական խորհրդում Ռուսաստանի նախագահության շուրջ դիսկուրսը (ՌԴ-ն նախագահում է խորհրդում 2021-ից 2023 թվականները):