Փաստաբանն Արսեն Բաբայանն իր ֆեյսբուքյան էջում գրել է․
«Հարգելի ընկերներ, գործընկերներ և լրագրողներ,
Դատարանն իմ վերաբերյալ կայացրել է արդարացման դատավճիռ: Այդպիսով հաստատվեց, ինչպես պնդում էի 2019-ին, որ ես որևէ հանցավոր արարք չեմ կատարել:
Դատավճիռը դեռ օրինական ուժ չի ստացել:
2019-ից հետո մեր երկրում այնպիսի իրադարձություններ տեղի ունեցան և դրանք այնպիսի հետևանքներ թողեցին, որ իմ արդարացվելն ամենաքիչ էական իրադարձությունն եմ համարում: Ուստի դրա վերաբերյալ մեկնաբանություն տալու անհրաժեշտություն չեմ տեսնում»:
Ավելի վաղ հայտնի էր դարձել, որ ԱԺ նախկին նախագահ Արա Բաբլոյանը և ԱԺ աշխատակազմի ղեկավարի նախկին տեղակալ Արսեն Բաբայանն արդարացվել են Ազգային ժողովում պաշտոնեական լիազորությունների չարաշահման, պաշտոնեական կեղծիքի գործով։