ՌԴ-ի Բելգորոդ քաղաքում անօդաչու թռչող սարքն ընկել է գրասենյակային շենքի վրա և բռնկվել: Այս մասին հայտարարել է Բելգորոդի շրջանի նահանգապետ Գլադկովը։
«Բելգորոդում անօդաչու թռչող սարքն ընկել է գրասենյակային շենքի վրա, որից հետո հրդեհ է բռնկվել: Պայթյուն չի եղել, այն արդեն մարվել է»,- ասել է Գլադկովը:
Նրա խոսքով՝ դեպքի վայրում են Բելգորոդի քաղաքապետ Վալենտին Դեմիդովը և օպերատիվ ծառայությունները։
