Հայտնաբերվել են սննդային էմուլգատորներ, որոնք բարձրացնում են սրտանոթային հիվանդությունների, մասնավորապես՝ սրտի իշեմիկ հիվանդության զարգացման վտանգը։
Ֆրանսիացի գիտնականների հետազոտություն են իրականացրել, որին մասնակցել է միջինում 43 տարեկան ավելի քան 95 հազար անձ։ Նրանց մեծ մասը կանայք են եղել (79%)։
Գիտափորձի սկզբում մասնակիցների մոտ սրտանոթային խնդիրներ չեն հայտնաբերվել: Առաջին երկու տարում գիտափորձեի մասնակիցները գրանցել եմ օրական օգտագործվող սննդամթերքի տեսակների և խմիչքների անվանումները, ապրանքանիշերը, իսկ մասնագետները հաշվարկել են դրանց սննդային հավելումների չափաբաժինը։
7-մյա հետազոտությունից հետո գիտնականները եկել են այն եզրահանգման, որ մեծ քանակությամբ ցելյուլոզայի (E460–E468) գործածությունը կապված է սրտանոթային հիվանդությունների, սրտի իշեմիկ հիվանդության բարձր ռիսկի հետ:
Սննդում ճարպաթթուների մոնոգլիցերիդների և դիգլիցերիդների (E471 և E472) մեծ չափնաբաժինը բարձրացնում է սրտանոթային և ցերեբրովասկուլյար բոլոր հիվանդությունների զարգացման հավանականությունը: Մյուս վտանգավոր բաղադրիչը տրինատրիումի ֆոսֆատն է (E339), որը նպաստում է սրտի իշեմիկ հիվանդության զարգացմանը։