Ռուսաստանի իշխանությունները ծրագրում են արգելել երկրից թռչնամսի որոշ տեսակների արտահանումը։
ՌԴ գյուղատնտեսության նախարարությունն առաջարկել է 6 ամսով արգելել թռչնամսի որոշ տեսակների արտահանումը։ Կառավարության որոշման նախագիծը տեղադրված է իրավական ակտերի նախագծերի դաշնային պորտալում։
Նախաձեռնությունը, որը իշխանությունները նախատեսում են իրականացնել 2023 թվականի դեկտեմբերից, բացատրվում էր թանկացումները զսպելու և դեֆիցիտը կանխելու անհրաժեշտությամբ։
Այն ապրանքատեսակները, որոնց արտահանումն արգելվելու է, նյութերում նշված չեն։
Գյուղատնտեսության նախարարությունը նշել է, որ մեկ տարվա ընթացքում Ռուսաստանում թռչնամսի որոշ տեսակների գներն աճել են ավելի քան 25 տոկոսով։ Գների աճը գերատեսչությունը կապել է «առաջին հերթին վերջին ամիսներին այդ ապրանքների արտադրության ծավալների նվազման և ԱՄՆ դոլարի բարձր փոխարժեքի ֆոնին դրա արժեքի աճի հետ»։